Ona qaçmağa icazə vermək olmaz - Qvardiola

"Mançester Siti"nin baş məşqçisi Pep Qvardiola İngiltərə Premyer Liqanın 23-cü turunda "Kristal Pelas"la  oyundan sonra komandasının müdafiə xəttindən şikayətlənib.

Corner.az Britaniya mətbuatına istinadən xəbər verir ki, o, heç-heçə etdikləri matçdan (2:2) sonra deyib: "Çətin oyun oldu. Təəssüf ki, qələbə qazana bilmədik. Buraxdığımız ikinci qoldakı etdiyimiz səhvləri təkrarlamamalıyıq. Zaha boşluq olduğu zaman təhlükəli olur. Ona qaçmağa icazə vermək olmaz, bu qədər asan. Amma bizi bunu etmədik".

P.Qvardiola "Liverpul"un "Mançester Yunayted"lə bugünkü oyununu izləyib-izləməyəciyi ilə bağlı sualı isə belə cavablandırıb: "Bu suala milyon dəfə cavab vermişəm. Bəlkə izləyərəm, bəlkə də "Şeffild Yunayted"lə matça hazırlaşaram".