Salah Olimpiadada oynayacaq?

Misir millisinin və "Liverpul"un futbolçusu Məhəmməd Salah Olimpiada-2020-də iştirak edib-etməyəcəyi ilə bağlı qərarı özü verəcək.

Corner.az xarici KİV-lərə istinadən xəbər verir ki, bu barədə Misirin gənclər yığmasının baş məşqçisi Şavki Qarib məlumat verib:

"Bizi Salahı yığma ilə Olimpiadaya getməyə məcbur edə bilmərik. Milli komanda ilə bu yarışda iştirak edib-etməyəcəyi ilə bağlı qərarı özü, "Liverpul" və baş məşqçi Yurgen Klopp vərəcək".

Ş.Qarib bildirib ki, Salahın adını 50 nəfərlik genişləndirilmiş heyətə daxil edib. 18 oyunçudan ibarət olacaq son siyahı isə iyunda açıqlanacaq.

Qeyd edək ki, 22 iyul - 8 avqust tarixlərində keçiriləcək Olimpiadada milli komandalarda yaşı əsasən 23-ə qədər olan futbolçular iştirak edəcək. Ancaq qaydalara görə, komandalar yaşı  23-dən çox olan 3 futbolçunu heyətə daxil edə bilərlər.(qol)