İngiltərə Premyer Liqa 2-də növbəti oyunlar keçirilib.
Corner.az xəbər verir ki, millimizin hücumçusu Renat Dadaşovun şərəfini qoruduğu “Vulverhempton”un U-23 komandası da növbəti matçına çıxıb.
Futbolçumuzun komandası 17-ci tur çərçivəsində doğma meydanda “Liverpul”un U-23 kollektivi ilə qarşılaşıb. “Vulverhempton” bu görüşdən məğlubiyyətlə ayrılıb – 1:2.
Dadaşov da bu görüşün iştirakçısı olub. O, start heyətdə meydana çıxıb və sonadək mübarizə aparıb.
“Vulverhempton”un gəncləri bu oyundan sonra yer aldıqları 1-ci qrupda 12 kollektiv arasında 11 xalla sonuncu pillədə qərarlaşıblar.
