Mançester Yunayted'də Reşford şoku

"Mançester Yunayted”in zədəli futbolçusu Markus Reşford uzun müddət yaşıl meydanlardan uzaq qalacaq.

Corner.az xəbər verir ki, bu barədə “qırmızı şeytanlar”ın baş məşqçisi Ole-Qunnar Sulşer klubun rəsmi saytına açıqlamasında deyib.

Norveçli mütəxəssis 22 yaşlı hücumçunun bir neçə ay oynaya bilməyəcəyini qeyd edib: "Mən həkim deyiləm, amma ümid edirəm ki, Reşford bu mövsüm oynaya biləcək.Bu, olsa da ancaq son oyunlarda ola bilər. Sağalması üçün bir neçə ay vaxt lazımdır. Zədəsi gözlədiyimizdən daha ciddidir. Oynaya bilməsə, Avro-2020-də də iştirak etməyəcək”.

Qeyd edək ki. ingiltərəli futbolçu yanvar ayında belindən zədələnib.