Dadaşov Tottenhemlə matçda iki qol vurdu - VİDEO

Millimizin hücumçusu Renat Dadaşov "Vulverhempton" klubunun U-23 komandasında növbəti oyununa çıxıb.

Corner.az-ın məlumatına görə, 21 yaşlı futbolçu 18-ci turda "Tottenhem"la matçda start heyətdə başlayıb və sonadək meydanda olub. 

Qarşılaşma "Vulverhempton"un 2:3 hesablı məğlubiyyəti ilə yekunlaşıb. Komandanın hər iki qolunu Renat Dadaşov vurub. O, 77-ci dəqiqədə penaltini dəqiq yerinə yetirib, 85-ci dəqiqədə isə qapıçı ilə təkbətək dueldən qalib ayrılıb. 

Qeyd edək ki, "Vulverhempton" U-23 liqasının əsas qrupunda 11 xalla 12-ci - sonuncu, "Tottenhem" isə 21 xalla 10-cu yerdədir.