İngiltərənin məşhur klubu satışa çıxarıldı

Çinli iş adamı Yao Çzişen sahibi olduğu İngiltərənin "Sauthampton" futbol klubunu satışa çıxarıb.

Corner.az "The Times" nəşrinə istinadən xəbər verir ki, Çzişen kluba 250 milyon funt-sterlinq qiymət qoyub. "Sauthampton"dakı həssələrinin 80 faizini satmaq niyyətindədir.

Qeyd edək ki, asiyalı futbol funksioneri klubu 2017-ci ildə Katarina Libherrdən 250 milyon funt-sterlinq qarşılığında satın alıb. 3 ildir Yao Çzişenin nəzarətində olan klub Premyer Liqada qalmaq uğrunda mübarizə aparır. Hazırda komandaya avstriyalı mütəxəssis Ralf Hazenhüttl başçılıq edir. "Sauthampton" isə 29 oyundan sonra 34 xalla 20 kollektiv arasında 14-cü pillədə qərarlaşıb.