Çelsi'nin futbolçusunda koronavirus aşkarlandı

"Çelsi"nin futbolçusu Kallum Hadson-Odoi koronavirusa yoluxub. 

Corner.az xəbər verir ki, bu barədə klubun rəsmi saytı məlumat yayıb. 

Bildirilib ki, yaxın vaxtlarda 20 yaşlı hücumçu ilə təmasda olanlar karantinə alınacaq. 

Bunlara ilk olaraq komandanın əsas heyəti, məşqçilər və klubda çalışanlar daxildir. İngiltərəli futbolçu ilə əlaqəsi olmayan şəxslərin yaxın günlərdə işə qayıdacağı gözlənilir. 

Klub futbolçunun sağalmasını arzulayır və onun tezliklə komandaya qoşulacağını gözləyir. 

Qeyd edək ki, daha öncə "Arsenal"ın baş məşqçisi Mikel Artetada koronavirus aşkarlanıb.(report)