Tottenhem'in futbolçusunun evi qarət olundu

"Tottenhem"in futbolçusu Yan Vertongenin evi 4 naməlum şəxs tərəfindən qarət edilib.

Corner.az-ın "Daily Mail"ə istinadən məlumatına görə, insident martın 10-da "Tottenhem"in səfərdə "Leyptsiq"lə keçirdiyi Çempionlar Liqasının 1/8 final mərhələsinin cavab görüşü zamanı baş verib.

Həmin vaxt mənzildə 33 yaşlı müdafiəçinin həyat yoldaşı və iki uşağı olub. Oğrular ailə üzvlərini bıçaq və maçete ilə hədələyərək, evdən qiymətli əşyalar və pul aparıblar. Belçikalı futbolçunun ailəsinə heç bir bədən xəsarəti yetirilməyib. Hazırda polis araşdırma aparır və şahidləri dindirir.

Qeyd edək ki, bu mövsüm Yan Vertongen İngiltərə Premyer Liqasında 19 oyuna 1 qol və 1 məhsuldar ötürmə ilə yadda qalıb.