Arsenal futbolçuların maaşlarını azaldacaq

 "Arsenal" klubu koronavirus pandemiyasına görə oyunçularla əmək haqlarının azaldılmasına dair razılaşmaya yaxındır.

Corner.az-ın “The Athletic”ə istinadən verdiyi məlumata görə, futbolçuların əksəriyyəti əmək haqlarının ayda 12,5% azaldılmasına razılaşıblar. Razılaşma bu ilin aprelindən 2021-ci ilin martına qədər olacaq. Bu, həm də klubun Çempionlar Liqasına düşməsindən asılıdır.

Maaşlarının azaldılması təklifini rədd edən futbolçuların gələcəyinin necə olacağı hələlik məlum deyil. Razılaşma reallaşarsa, "Arsenal" İngiltərə Premyer Liqasında maaşları azaldacaq ilk klub olacaq.

Qeyd edilir ki, daha əvvəl oyunçular bu təşəbbüsə razılaşmaqdan imtina ediblər, amma "Arsenal”ın ispaniyalı baş məşqçisi Mikel Arteta onları inandıra bilib.