“Arsenal” klubu futbolçularının məvaciblərini azaldıb.
Corner.az xəbər verir ki, bu barədə klubun rəsmi saytı məlumat yayıb. Məlumatda bildirilir ki, “Arsenal” rəhbərliyinin futbolçularla və məşqçilərlə aylıq məvaciblərinin 12,5 faiz azaldılması barədə razılaşdıqları bildirilir. Endirim bu ilin aprelindən 2021-ci ilin martına qədər olan dövrü əhatə edəcək.
Klub onu da qeyd edib ki, qarşıdakı bir il ərzində “Arsenal”ın maliyyə hədəfləri ehtimal olunandan yüksək olarsa, həm futbolçuların, həm də məşqçilərin məvacibindən tutulan hissə geri qaytarılacaq.
Qeyd edək ki, “Arsenal”da daha öncə klub rəhbərliyində çalışanların maaşlarında endirim edildiyi açıqlanmışdı.
