Özil maaşının azaldılmasına qarşı çıxdı

"Arsenal"ın futbolçusu Məsut Özil klubun maaşları azaltmaq təklifinə qarşı çıxıb.

Corner.az "Mirror"a istinadən xəbər verir ki, 31 yaşlı yarımmüdafiəçi maaş məsələsində London təmsilçisinə güzəşt etmək istəməyib. Təcrübəli futbolçu koronavirusun maliyyə nəticələrini qiymətləndirmək üçün ona vaxt lazım olduğu vurğulayıb.

Bildirilib ki, Özillə yanaşı, daha 2 futbolçu bununla razılaşmayıb. Ancaq həmin oyunçuların adları açıqlanmayıb.

Qeyd edək ki, "Arsenal" oyunçular və məşqçi heyəti ilə aylıq məvacibin 12.5 faiz azaldılması ilə bağlı razılığa gəldiyini açıqlayıb.