“Uotford” klubu da koronavirus pandemiyasının yaratdığı iqtisadi çətinliklərlə əlaqədar futbolçuların məvacibini dayandırmağa qərar verib.
Corner.az xəbər verir ki, klubun rəsmi saytı vasitəsilə futbolçularla razılaşdıqlarını açıqlayıb.
Açıqlamada bildirilir ki, maaşların təxirə salındığı bildirilsə də, detallar açıqlanmayıb. Klub prezidenti Skott Daksberi futbolçulara təşəkkür edib və onların bu qərarı tərəddüd etmədən qəbul etdiyini bildirib.
Qeyd edək ki, Premyer Liqada daha öncə “Vest Hem”, “Sauthempton” və “Şeffild Yunayted” klubları maaşların bir neçə aylıq ertələndiyini açıqlamış, “Arsenal”da isə futbolçu və məşqçi heyətinin məvacibləri azaldılmışdı.
