Türkiyə millisinin və “Everton"nun hücumçusu Cenk Tosun zədəsini sağaldıb.
Corner.az xəbər verir ki, mart ayının əvvəlində dizindəki zədə səbəbindən əməliyyat olunan və həmin dövrdən müalicə alan 28 yaşlı futbolçu artıq fərdi məşqlərə başlayıb. Ayyarımlıq fasilədən sonra sıraya dönən Tosun “Everton”un təlim-məşq bazasında hazırlıq keçir. Premyer Liqa təmsilçisi onun məşq görüntülərini sosial şəbəkə hesabında da paylaşıb.
Qeyd edək ki, türkiyəli futbolçunun sentyabr ayında oynamağa hazır olacağı bildirilir.
