“Liverpul” klubu ev oyunlarını keçirdiyi “Enfild” stadionunda yenidənqurma işlərini dayandırıb.
Corner.az xəbər verir ki, bu barədə klubun rəsmi saytı məlumat yayıb.
Bildirilir ki, klub koronavirus pandemiyası səbəbindən belə bir qərar alındığını açıqlayıb. Yenidənqurma işləri ən azı bir il müddətinə təxirə salınıb. Nəzərdə tutulan işlər ən tez 2023-cü ilin yayında yekunlaşacağı bəyan edilib.
Qeyd edək ki, “Liverpul” sözügedən arenada oturacaqların sayını 54 mindən 61 minə qədər artırmağı planlaşdırırdı.
