Normal həyat üçün çox darıxıram - Mourinyo

“Əgər mövsümün qalan 9 matçını oynasaq, bu hamımız üçün yaxşı olacaq. Normal həyat, hər gün etdiyimiz şeylər üçün daha çox darıxıram”.

Corner.az xəbər verir ki, bu sözləri “Tottenhem”in baş məşqçisi Joze Mourinyo “Sky Sports”a açıqlamasında deyib.

Portuqaliyalı mütəxəssis koronavirus pandemiyasına görə dayandırılan Premyer Liqa ilə bağlı danışarkən qeyd edib ki, səbirli olmaq lazımdır:

“Futbol bu həyatın sadəcə bir parçasıdır. Səbirli olmaq lazımdır. Bu, hamımızın içində olan bir savaşdır. Oyunlar azarkeşsiz keçirilsə də, mən bunu qəbul etməyəcəyəm. Futbol heç vaxt azarkeşsiz oynanılmaz. Kameraların olması milyonlarla insanın oyunu izləməsini göstərir. Yəni əgər azarkeşsiz bir stadiona ayaq bassaq, oranın azarkeşsiz olmadığını düşünəcəyik”.