İngiltərəli oyunçu millimizin futbolçusundan danışdı

İngiltərənin "Harroqeyt Taun" klubunun futbolçusu Cek Maldun U-19 millimizin üzvü Serhat Taşdemir haqda danışıb.

Corner.az Britaniya mətbuatına istinadən xəbər verir ki, ingilis hücumçu bundan əvvəl oynadığı ən yaxşı 3 oyunçudan bəhs edərkən yığmamızın üzvünü də fərqləndirib:

"Birlikdə oynadığım ən yaxşılardan biri də Serhat Taşdemirdir. O,zərbaycanın gənclər komandasının oyunçusudur, hazırda "Piterboro Yunayted" klubunda oynayır. Serhatın peşəkar bir futbolçu kimi necə inkişaf etdiyini görmək çox maraqlıdır. Prinsipcə, həmişə oynadığım gənc futbolçuların karyeralarının nə qədər inkişaf edə biləcəyi məni maraqlandırır".

Qeyd edək ki, C.Maldun S.Taşdemirlə 2017-2018-ci illərdə İngiltərənin "Fayld" klubunda birgə oynayıb.(qol)