İngiltərə klubunun qapıçısı koronavirusa yoluxdu

İngiltərənin "Bornmut" futbol klubunun qapıçısı Aron Remsdeyl koronavirusa yoluxub.

Corner.az-ın məlumatına görə, bu barədə ingiltərəli qolkiperin özü "The Sun"a açıqlama verib. Son iki gündə belə halla necə üzləşdiyini anlamağa çalışmış 22 yaşlı qapıçı bildirib ki, məşqlərə başlamamışdan öncə verdiyi testin nəticəsi mənfi çıxıb. 

Lakin o, sonradan mağazalarda olarkən xəstələnib: "Müəyyən qədər şokdayam. 7 gün təcrid olunmalıyam. Bu, mənə evdə işlərimlə məşğul olmaq imkanı yaradacaq. Hazırda özümü yaxşı hiss edirəm, heç bir simptomum yoxdur".

Qeyd edək ki, Remsdeyl bu mövsüm Premyer Liqada 28 oyunda iştirak etmiş 44 top buraxıb və 1 məhsuldar ötürmə ilə yadda qalıb.