Mançester Siti Arsenal'ı məğlub etdi
Koronavirusa görə mart ayından dayandırılan İngiltərə Premyer Liqasında mövsüm bərpa edilib.
Corner.az xəbər verir ki, 28-ci turdan təxirə salınmış iki oyun baş tutub.
Günün ilk matçında “Aston Villa” öz meydanında “Şeffild Yunayted”i qəbul edib. Görüşdə qapılara qol vurulmayıb.
Daha maraqla gözlənilən matç isə Mançesterdə keçirilib. Burada “Mançester Siti” öz meydanında “Arsenal”la qarşılaşıb. Görüş meydan sahiblərinin qələbəsi ilə başa çatıb - 3:0. "Şəhərlilər"in heyətində Rahim Sterlinq (45+1), Kevin de Bruyne, (51) və Fil Foden (90+1) fərqlənib.
Qeyd edək ki, turnir cədvəlinə 82 xalla “Liverpul” başçılıq edir. “Mançester Siti” 60 xalla 2-ci, “Lester” 53 xalla 3-cüdür.
