Cech futboldan gedir

Arsenal'ın qapıçısı Petr Cech cari mövsümün sonu futbolçu karyerasını başa vuracaq.

Corner.az-ın məlumatına görə, bu barədə 36 yaşlı qolkiper özünün "Tvitter" hesabında yazıb: "Bu, peşəkar futbolçu kimi mənim 20-ci mövsümümdür. Birinci müqaviləmi imzalamağımdan artıq 20 il ötdü. Bu mövsümün sonu karyeramı başa vuracağımı elan etmək istəyirəm. Premyer Liqada 15 il oynadım və qazana biləcəyim hər şeyi əldə etdim. İstədiyim hər şeyə nail olduğumu hiss edirəm.  Daha bir kubok qazanmaq üçün Arsenal"'a inadla çalışmağa davam edəcəm".

Qeyd edək ki, P.Cech 1999-cu ildə peşəkar futbolçu karyerasına başlayıb.(qol.az)