Klopp mövsümün ən yaxşı məşqçisi seçildi
İngiltərə Premyer Liqasında 2019/2020-ci illər mövsümünün ən yaxşı məşqçisi məlum olub.
Corner.az xəbər verir ki, qurumun rəsmi saytında azarkeşlər və futbol mütəxəssislərinin iştirakı ilə keçirilən səsvermənin nəticəsində qalib “Liverpul”un çalışdırıcısı Yurgen Klopp olub. O, “Çelsi”nin baş məşqçisi Frenk Lempard, "Lester Siti"nin çalışdırıcısı Brendan Rodjers və "Şeffild Yunayted"in baş məşqçisi Kris Uaylderi geridə qoyub.Qeyd edək ki, “Liverpul” 2019/20 mövsümündə Y.Kloppun baş məşqçiliyi altında 30 il sonra Premyer Liqanın qalibi adını qazanıb.
