“Arsenal” klubunda köməkçi məşqçi kimi çalışan Fredrik Lyunqberq postundan ayrılıb.
Corner.az xəbər verir ki, 43 yaşlı mütəxəssis istefa qərarını sosial şəbəkə hesabında açıqlayıb.
İsveçli mütəxəssis məşqçilik təcrübəsini başqa klublarda daha da yaxşılaşdırmaq üçün “Arsenal”dan ayrıldığını bəyan edib. Hələlik onun karyerasını hansı klubda davam etdirəcəyi bilinmir.
Qeyd edək ki, Lyunqberq futbolçu karyerası dönəmində 1998-2007-ci illər aralığında “Arsenal”da oynayıb. O, 2019-cu ildən London klubunda məşqçi kimi çalışırdı.
