Sarri Chelsea'dən qovulur?

Manchester United'in sabiq futbolçusu Garry Neville hesab edir ki, Chelsea baş məşqçisi M.Sarri'ni istefaya göndərəcək.

Corner.az xəbər verir ki, Neville buna əmin olduğunu bildirib. “Sarri özü də başa düşür ki, yaxın 18 ay ərzində istefaya göndəriləcək. Bu, qaçılmazdır. Hələlik vəziyyətə nəzarət onun əlindədir. Buna görə sözünü deyə bilir. İstənilən klubda hər şey soyunub-geyinmə otağında həll olunur. Uzun illərdir ki, belə davam edir. Sarri elə bilir ki, təcrübəsi onun köməyinə çatacaq. Səhv edir. Əminəm ki, uzağı iki ildən sonra istefaya göndəriləcək”, - Neville deyib.(goal.az)