Poqba koronavirusdan sağaldı
“Mançester Yunayted”in və Fransa millisinin futboloçusu Pol Poqba koronavirusdan sağalıb və komanda ilə məşqlərə başlayıb.
Corner.az “Sky Sports”a istinadən xəbər verir ki. Bu barədə “qırmızı şeytanlar”ın baş məşqçisi Ole Qunnar Sulşer deyib. O, 27 yaşlı yarımmüdafəçinin məşqlərə qatıldığını desə də, oyunçunun Premyer Liqanın ilk matçını buraxma riskinin olduğunu vurğulayıb:“Poqba koronavirusa yoluxduğuna görə bir neçə məşqi buraxmışdı. Lakin onun formaya düşməsi çox vaxt almır. Ən qısa müddətdə meydanlara qayıtmaq üçün çox çalışdı. Ümid edirəm ki. Növbəti həftəsonunadək hazır olacaq. Amma buna tam əmin deyiləm”.Qeyd edək ki, “Mançester Yunayted”in bu gün Premyer Liqanın 1-ci turunda “Bernli” ilə üz-üzə gələcəyi matç təxirə salınıb. İngiltərə klubu çempionatdakı ilk oyununu 19 sentyabr 2-ci turda “Kristal Pleas”a qarşı keçirəcək.(qol)
