"Çelsi” İngiltərə Premyer Liqasının 2-ci turu çərçivəsində qarşılaşacağı “Liverpul”la oyuna ciddi itkilərlə çıxacaq.
Corner.az xəbər verir ki, “zadəganlar”ın müdafiəçiləri Ben Çilluell və Tyaqo Silva, həmçinin yarımmüdafiəçilər Kristian Pulişiçlə Hakim Ziyex bu görüşü buraxmalı olacaqlar.
Bu barədə komandanın baş məşqçisi Frenk Lempard məlumat verib. 42 yaşlı mütəxəssisin sözlərinə görə, Çilluel, Pulişiç və Ziyex zədədən əziyyət çəkdiyi, Tyaqo Silvanın isə hələ optimal formasından uzaq olduğu üçün komandaya kömək edə bilməyəcəklər.
Qeyd edək ki, “Çelsi” – “Liverpul” matçı bu gün keçiriləcək.
