Liverpul qapıçısını itirdi

"Liverpul"un qapıçısı Alisson Beker çiynindən zədələndiyi üçün "Aston Villa" ilə İngiltərə Premyer Liqasının 6-cı tur matçında oynaya bilməyib. 

Corner.az-ın məlumatına görə, bu barədə "qırmızılar"ın baş məşqçisi Yurgen Klopp açıqlama verib. Almaniyalı baş məşqçi bildirib ki, 28 yaşlı qolkiper oyundan bir gün əvvəl məşq zamanı komanda yoldaşı ilə toqquşma nəticəsində xəsarət alıb. Klopp milli komandaların oyunları ilə əlaqədar yaranmış fasilə müddətində Alissonun sağalacağına ümid etdiyini vurğulayıb. 

Braziliyalı qolikper millinin heyətində Boliviya və Peru ilə DÇ-2022-nin seçmə qarşılaşmalarını buraxmalı olacaq.