Edinson Kavani yeni klubu “Mançester Yunayted”də forma nömrəsini seçib.
Corner.az xəbər verir ki, uruqvaylı hücumçu “qırmızı şeytanlar”da “7” nömrəli forma ilə çıxış edəcək.
Bu barədə klubun mətbuat xidməti məlumat yayıb. Bu nömrəli formanı bir vaxtlar Kriştiano Ronaldo, Devid Bekhem, Corc Best və Erik Kantona kimi oyunçular geyinib. Son olaraq bu nömrəli forma hazırda "İnter"də çıxış edən Aleksis Sançesə məxsus olub.
Qeyd edək ki, Kavani "Mançester Yunayted"lə 1+1 illik müqavilə imzalayıb.
