- İngiltərə P.L.
- 01:40 08.11.2026
İngiltərə Premyer Liqasının 5-ci turunun “Mançester Siti” – “Arsenal” (1:0) qarşılaşması ev sahiblərinin baş məşqçi Pep Qvardiola üçün əlamətdar olub.
Corner.az Britaniya mətbuatına istinadən xəbər verir ki, 49 yaşlı mütəxəssis bütün turnirlər daxil olmaqla karyerası ərzində çalışdırıcı kimi 500-cü qələbəsini qazanıb.
Bundan əlavə ispaniyalı məşqçi “şəhərlilər”lə 172-ci qalibiyyətini əldə edib.
Qeyd edək ki, “Mançester Siti”ni 2016-cı ildən çalışdıran Qvardiola “Barselona” (2008-2013) və “Bavariya” (2013-2016) kimi komandalarda da işləyib.(qol)
