- İngiltərə P.L.
- 23:53 05.12.2025
"Mançester Siti”nin hücumçusu Serxio Aquero yenidən zədələnib.
Corner.az xəbər verir ki, bunu komandanın baş məşqçisi Pep Qvardiola Britaniya mətbuatına açıqlayıb.
İspaniyalı mütəxəssis bildirib ki, argentinalı futbolçu 3-4 həftə meydana çıxa bilməyəcək: "Aquero zədəlidir. Bir futbolçu 4-5 aydan sonra meydana çıxırsa, zədələnmək riski olur. Onun zədəsini sağaltması 3-4 həftə çəkə bilər. Bütün futbolçulara, hər kəsin tam hazır olmasına ehtiyacımız var”.
Qeyd edək ki, uzun müddətdir zədədən əziyyət çəkən Aquero yenicə sağalmışdı.
