Arsenal Mançester Yunayted'i məğlub etdi

İngiltərə Premyer Liqasında 7-ci turun mərkəzi görüşü "Mançester Yunayted" və "Arsenal" arasında baş tutub.

Corner.az-ın məlumatına görə,  "Old Trafford" stadionunda keçirilmiş görüşdə qonaqlar minimal hesabla qalib gəlib - 1:0. Yeganə qolu 69-cu dəqiqədə penaltidən Pyer-Emerik Obameyanq vurub. Mançester Yunayted'in baş məşqçisi Ole Qunnar Sulşer komandasının başında çıxdığı 100-cü oyununda məğlub oldu."Arsenal" isə rəqibini 14 ildən sonra səfərdə məğlub etdi.

Qeyd edək ki, 7 turdan sonra ehtiyatda bir oyunu olan "qırmızı şeytanlar" 15-ci yerdə qərarlaşıb. "Kanonirlər" isə 12 xalla 8-ci pillədədir.