“Mançester Yunayted” klubu ciddi itki ilə üzləşib.
Corner.az xəbər verir ki, Premyer Liqanın 8-ci turunda “Everton”la (3:1) qarşılaşmada zədələnən müdafiəçi Lyuk Şou uzun müddət komandasına kömək edə bilməyəcək.
Bu barədə klubun mətbuat xidməti məlumat yayıb. Görüşün ikinci hissəsində bud nahiyəsindən xəsarət alaraq əvəzlənən 25 yaşlı sol cinah oyunçusunun 4-6 həftə yaşıl meydanlardan uzaq qalacağı açıqlanıb. Bu isə ingiltərə millisinin üzvü üçün 2020-ci il bitdiyi deməkdir.
Qeyd edək ki, Lyuk Şou ötən mövsüm də oxşar zədə səbəbindən bir müddət komandasına kömək edə bilməmişdi.
