İtkin düşən futbolçu suyun altında axtarılacaq

Cardiff klubunun yeni transferi  Emiliano Salanın da içində olduğu itən təyyarənin axtarışları suyun altında davam etdiriləcək.

Corner.az xəbər verir ki, bu məqsədlə kampaniya başladan fanatlar təxminən 260 min sunt sterlinq pul toplaya biliblər. Həmin məbləğə texnologiyanın ən son yenilikləri ilə təchiz olunmuş gəmi icarəyə götürülüb. Oyunçunun axtarışları bundan sonra suyun altında aparılacaq.

Qeyd edək ki, İngiltərə Premyer Liqasında çıxış edən Cardiff City Emiliano Salanı Nantes'dən 20 milyon avroya transfer edib. Argentinalı hücumçu Fransadan Cardiffə xüsusi təyyarə ilə yola salınıb. Ancaq hava gəmisi mənzil başına çatmazdan yarım saat əvvəl radardan itib. Təyyarənin axtarışları bir neçə gün davam etsə də, heç bir nəticə vermədiyindən işlər dayandırılmışdı.(qol.az)