Qvardiola karyerasını nə vaxt başa vurur?

"Mançester Siti”nin baş məşqçisi Xosep Qvardiola karyerasını bitirmək istədiyi vaxtı açıqlayıb.

Corner.az klubun mətbuat xidmətinə istinadən xəbər verir ki, 49 yaşlı mütəxəssis Premyer Liqanın 11-ci turunda “Fulhem"lə matçdan öncə keçirilən mətbuat konfransında komandadakı gələcəyi haqda danışıb:

“Şənbə günü “Fulhem”lə matç mənim karyeramda 700-cü olacaq. Bu mükəmməldir. Amma daha 700 qarşılaşmada da olmaq istəyirəm. Məşqçiliyə başlayanda isə 700 matç həddinə çatacağımı düşünmürdüm. Çox az məğlub olub, amma bu qədər qarşılaşma keçirmək çox yaxşıdır”.

Qeyd edək ki, Qvardiola məşqçilik karyerasına 2007-ci ildə “Barselona”nın B komandasında başlayıb.