İngiltərə Premyer Liqasında 11-ci turun oyunlarına start verilib.
Corner.az xəbər verir ki, ilk oyun günündə 4 qarşılaşma baş tutub.
Turun açılış matçında “Bernli” öz meydanında “Everton”u qəbul edib. Bu görüşdə qalib müəyyənləşməyib. “Mançester Siti” bu turda “Fulhem”lə, “Mançester Yunayted” isə “Vest Hem”lə üz-üzə gəlib. Mançester təmsilçilərin hər ikisi turu qələbəylə başa vurub. “Çelsi” də öz meydanında “Lids” üzərində əzmkar qələbə qazanıb.
Bu tur keçirilməli olan “Aston Villa” – “Nyukasl” matçı qonaq komandanın heyətində bir neçə futbolçunun koronavirusa yoluxması səbəbindən təxirə salınıb.
İngiltərə Premyer Liqası
11-ci tur
5 dekabr
Bernli – Everton 1:1
Qol: Breydi, 3 – Kalvert, 45+3.
Mançester Siti – Fulhem 2:0
Qol: Sterlinq, 5. De Breyne, 26.
Vest Hem – Mançester Yunayted 1:3
Qol: Souçek, 38 – Poqba, 65. Qrinvud, 68. Reşford, 78.
Çelsi – Lids 3:1
Qol: Jiru, 27. Zuma, 61. Pulişiç, 90+3 – Bemford, 4.
