Klopp'un favoritləri 2 London klubu

“Liverpul”un baş məşqçisi Yurgen Klopp İngiltərə Premyer Liqasının favorit komandalarının adlarını açıqlayıb.

Corner.az xəbər verir ki, 53 yaşlı mütəxəssis 2 London təmsilçisinin daha yaxşı şansa malik olduğunu bildirib. 

“Son oyunlara rəğmən deyə bilərəm ki, “Tottenhem”in işləri yaxşı gedir. Amma fikrimcə, favorit “Çelsi”dir. Bu komanda daha geniş “ehtiyat skamyaya”, əla futbolçu seçiminə və yaxşı təyin olunmuş oyuna sahibdir” – deyə, Klopp söyləyib.

Almaniyalı mütəxəssis bildirib ki, rəhbərlik etdiyi komanda da iddiasını davam etdirəcək: “Ən yaxşı futbolu göstərməyə nail olmalıyıq və “Liverpul” bunu etməyə çalışır. Növbəti oyuna, növbəti rəqibə köklənmişik və rəqiblərin nəticələri barədə çox erkən düşünməməyə çalışırıq”.