İngiltərə Premyer Liqasının 11-ci turu çərçivəsində “Tottenhem”ə 0:2 hesabı ilə məğlub olan “Arsenal” ciddi itki ilə üzləşib.
Corner.az xəbər verir ki, "topçular"ın yarımmüdafiəçisi Tomas Parti sıradan çıxıb.
Oyuna start heyətində başlayan 27 yaşlı futbolçu ilk hissənin sonlarında zədələnib və meydanı erkən tərk etməli olub.
Qanalı futbolçunun vəziyyətinə tibbi müayinədən sonra aydınlıq gələcək. Partinin əvvəlki zədəsini yenilədiyi ehtimal olunur.
