Özil'in heyətdən kənar saxlanılması çox uğursuz seçimdir

"Arsenal" Mesut Özil'in yarımmüdafiədəki yaradıcılığından məhrum qaldığı üçün hücumda çətinlik çəkir. Onun heyətdən kənarda qalması ilə bağlı qərarı anlaya bilmirəm".
 
Corner.az xəbər verir ki, bu sözləri "Arsenal"ın keçmiş isveçli futbolçusu Frederik Lyunberq İngiltərə mətbuatına açıqlamasında deyib.

O, "topçular"ın bu mövsümkü uğursuz çıxışının səbəbini Mesut Özilin heyətdən kənar saxlanması ilə əlaqələndib:

"Rəqib müdafiəsini yarmaq üçün Mesut Özildən daha bacarıqlı çox az futbolçu var. Mesut Özil "Arsenal"a lazımdır. Hər tur start heyətdə olması məcburi deyil. Ancaq topa sahib olmaq və təhlükəli ara ötürmələri istəyəndə bunu Mesutdan daha yaxşı edəcək futbolçu tapa bilməzsiz. Bəli, müdafiə baxımından daha az fayda görərsiz, ancaq belədə qol vurmaq, oyunu qələbə ilə başa vurmaq şansınız artar. Özilin 25 nəfərlik heyətdə yer almaması çox uğursuz seçimdir".

Qeyd edək ki, uğursuz mövsüm keçirən "Arsenal" 13 xalla Premyer Liqanın 15-ci pilləsində qərarlaşıb.(qol)