İngiltərə Premyer Liqasında 16-cı turun oyunlarına start verilib.
Corner.az xəbər verir ki, ilk oyun günündə 3 matç keçirilməli olsa da, onlardan biri təxirə salınıb.
Turun mərkəzi görüşündə Karlo Ançelottinin çalışdırdığı “Everton” öz meydanında “Mançester Siti”ni qəbul edəcəkdi. Lakin qonaqların heyətində kütləvi koronavirusa yoluxma səbəbindən bu görüş başqa tarixə keçirilib.
Turun açılış matçında “Lester” səfərdə “Kristal Pelas"ın qonağı olub. Tərəflər bu oyundan hərəyə 1 qol, 1 xalla ayrılıblar. Son turda “Arsenal”a uduzan “Çelsi” bu dəfə öz meydanında “Aston Villa”nı sınağa çəkib. Bu oyun da qalib müəyyənləşməyib.
İngiltərə Premyer Liqası
16-cı tur
28 dekabr
Kristal Pelas – Lester 1:1
Qol: Zaha, 58 – Barnes, 83.
Çelsi – Aston Villa 1:1
Qol: Jiru, 34 – El-Qazi, 50.
Everton – Mançester Siti matçı təxirə salınıb
