'Mançester Siti” ötən gecə İngiltərə Liqa Kubokunun yarımfinalında “Mançester Yunayted”ə qalib gələrək turnirin finalına vəsiqə qazanıb.
Corner.az xəbər verir ki, “şəhərlilər” bununla da ardıcıl 4-cü dəfə finalda oynamaq şansı qazanıblar.
“Mançester Siti” bu uğuru sayəsində daha öncə “Liverpul”un rekordunu təkrarlamağa nail olub. Belə ki, “qırmızılar” da 1981-1984-cü illər aralığında Liqa Kubokunun finalında oynayıb. Turnirin ən çox – 8 dəfə qalibi olmuş “Liverpul” həmin final oyunlarının hamısından qalib ayrılıb. “Mançester Siti” də son üç mövsümdə bu turnirin qalibi olub. “Şəhərlilər”in də ardıcıl dördüncü dəfə qalib olub-olmayacağını isə zaman göstərəcək.
Qeyd edək ki, "Mançester Siti" aprelin 25-də həlledici matçda "Tottenhem"lə üz-üzə gələcək.
