Mane Mançester Yunayted'lə matçda oynayacaq?

 "Liverpul"un futbolçusu Sadio Mane Premyer Liqanın 19-cu turunda "Mançester Yunayted"lə matçda iştirak edə biləcək.

Corner.az xəbər verir ki, bu barədə 29 yaşlı hücumçu klubun rəsmi saytına müsahibəsində bildirib.

Seneqallı futbolçu ölkə kubokunun 1/32 finalında "Aston Villa"ya 4:1 hesabı ilə qalib gəldikləri matçda zədələndiyini xatırladıb: "Həmin görüşdə ciddi xəsarət aldım. Zədəni bərpa etmək bir neçə dəqiqə çəkdi. Sanki ayağım uyuşmuşdu. Qarşılaşmadan sonra buz qoydum, hazırda hər şey normaldır. İndi özümü əla hiss edirəm və növbəti matça hazıram".

Qeyd edək ki, yanvarın 17-də keçiriləcək "Liverpul" - "Mançester Yunayted" Bakı vaxtı ilə 19:30-da başlayacaq.