“Liverpul” daha bir ciddi itki ilə üzləşib.
Corner.az xəbər verir ki, Premyer Liqa təmsilçisinin müdafiəçisi Vircil Van Deyk üçün mövsüm erkən başa çatıb.
Bu barədə komandanın baş məşqçisi Yurgen Klopp məlumat verib. Almaniyalı mütəxəssis, jurnalistlər üçün təşkil olunan mətbuat konfransında ilk dövrədə “Everton”la oyunda zədələnən 29 yaşlı futbolçunun bu mövsüm yaşıl meydanlara qayıtmasının mümkünsüz olduğunu diqqətə çatdırıb.
Qeyd edək ki, “Liverpul” əsas müdafiəçilərini itirdiyi üçün Ben Deyvis və Ozan Kabakı heyətinə qatıb.
