İngiltərənin “Mançester Yunayted” klubunun üç məşqçisində koronavirus aşkarlanıb.
Corner.az xəbər verir ki, bu barədə klubun rəsmi saytı məlumat yayıb.
Məlumatda “qırmızı şeytanlar”ın əsas komandasının baş məşqçisi Ule Qunnar Sulşerin köməkçilərindən üçündən götürülmüş COVİD-19 testinin pozitiv çıxdığı vurğulanıb. Bu səbəbdən də onlar 10 günlük karantinə alınıblar. Həmin məşqçilərin adları isə açıqlanmayıb.
Britaniya mətbuatının iddiasına görə, sözügedən məşqçilərin koronavirusa yoluxması hələ ötən həftədən bəlli imiş. Onlar hətta bu səbəbdən Avropa Liqasının 1/16 finalında Real Sosyedad'la matça aparılmayıblar.
Qeyd edək ki, “Mançester Yunayted” bu gün Premyer Liqanın 25-ci turu çərçivəsində doğma meydanda “Nyukasl”la qarşılaşacaq.
