Türkiyə millisinin sabiq üzvü irqçiliklə üzləşdi

 "Derbi Kaunti" klubunun futbolçusu Kolin Kazım irqçiliyə məruz qalıb.

Corner.az məlumatına görə, 34 yaşlı hücumçu Çempionşipdə 33-cü turun "Nottingem Forest"lə matçından sonra təzyiqlərlə üzləşib.

1:1 hesablı heç-heçə ilə yekunlaşan görüşün ardından sosial şəbəkələrdə Kolin Kazıma pakistanllılar üçün pis ifadə hesab edilən "paki" yazılıb. Türkiyə millisinin sabiq üzvü açıqlamasında buna görə pis olduğunun vurğulayıb. Türkiyə Futbol Federasiyasına məxsus millinin rəsmi Tvitter hesabı Kazımın yanında olduqlarını bildirib.

"Derbi Kaunti" də bu məsələyə biganə yanaşmayıb. Klub paylaşımında idmanda və cəmiyyətdə irqçiliyə yer olmadığını diqqətə çatdırıb.

Qeyd edək ki, Türkiyədə "Fənəarbağça" və "Qalatasaray"ın formasını geyinmiş Kolin Kazım 2007 - 2015-ci illərdə Türkiyə yığmasında çıxış edib.