"Mançester Yunayted” klubu hücumçusu Edinson Kavani ilə bağlı qərarını verib.
Corner.az xəbər verir ki, “qırmızı şeytanlar” 34 yaşlı futbolçunun müqaviləsini yeniləməyəcək.
Bu barədə “Manchester Evening News” portalı məlumat yayıb. Məlumatda, klub rəhbərliyinin Kavaninin fiziki formasından razı olmadığı və bu səbəbdən futbolçu ilə müqaviləni yeniləməyəcəkləri vurğulanıb.
Kavaninin yayda Argentinanın “Boka Xuniors” klubuna keçəcəyi gözlənilir.
Qeyd edək ki, uruqvaylı hücumçu “Mançester Yunayted”lə Premyer Liqada 18 oyuna 6 qol vurub.
