Çempionluğa yaxınlaşırıq - Qvardiola

"Mançester Siti”nin baş məşqçisi Pep Qvardiola Premyer Liqanın 28-ci turunda “Fulhem”i məğlub etdikləri oyundan sonra fikirlərini bildirib.

Corner.az xarici mətbuata istinadən xəbər verir ki, ispaniyalı mütəxəssis, 3:0 hesabıyla qələbə qazandıqları görüşü belə şərh edib:

“Fiziki cəhətdən güclü olan bir komandaya qarşı əla oyun keçirdik. Bizim üçün vacib qələbə idi. Çempionatın bitməsinə 8 oyun qalıb və çempionluğa yaxınlaşırıq. İndi qarşıda iki vacib oyunumuz var.

Serxio Aquero üçün qol vurmaq vacib idi. Bütün komanda əla çıxış edir. Çempionlar Liqasında mərhələ adlamaq üçün əlimizdən gələni edəcəyik və uğur qazanmağa çalışacağıq”.

Qeyd edək ki, “Mançester Siti” Premyer Liqada 71 xalla liderdir.