“Mançester Yunayted” klubunun yeni sponsoru bəlli olub.
Corner.az xəbər verir ki, bundan sonra sözügedən klubun titul sponsoru “TeamViewer” şirkəti olacaq.
Bu barədə klubun mətbuat xidməti və “TeamViewer” şirkətləri məlumat yayıb. Tərəflər arasında 5 illik müqavilə imzalanıb. “Mançester Yunayted” bu əməkdaşlıqdan təxminən 326 milyon avro qazanacaq.
Növbəti mövsümündən “Mançester Yunayted”in formalarında “TeamViewer”in loqosu yerləşdiriləcək.
Qeyd edək ki, Premyer Liqa klubunun bundan əvvəlki sponsoru “Chevrolet” şirkəti idi. Avtomobil şirkəti ilə müqavilədə “qırmızı şeytanlar” illik təxminən 87 milyon avro qazanırdı.
