Cerrard Liverpul'a qayıtma ehtimalından danışdı

 “Reyncers”in baş məşqçisi Stiven Cerrard sabiq komandası “Liverpul”a qayıtmağı barədə açıqlama verib.

Corner.az xarici mətbuata istinadən xəbər verir ki, 40 yaşlı mütəxəssis, sabiq klubuna qayıtmağı xəyal etdiyini deyib:

“Düzdür, mənimlə İngiltərədən bir klub maraqlanır. Bu komandanın adını və təklifin detallarını açıqlamayacam. Ancaq bu təklif mənim düzgün yolda olduğumu göstərir. Bu, yaxşı iş gördüyümün sübutudur.

Mənə daha əvvəl də “Liverpul”la bağlı suallar verilib. Mənim də cavablarımı eşitmisiz. Bu mövzuda kifayət qədər söhbətlər olub. Mənim hədəfim və xəyallarım var. “Liverpul”da işləmək hədəfim və arzumdur”.

Qeyd edək ki, Cerrardın rəhbərlik etdiyi “Reyncers” bu mövsüm Şotlandiya Premyer Liqasında çempion olub. İngilis mütəxəssis 2018-ci ilin yayından Qlazqo komandasını çalışdırır.