Yarımfinalçılar bəlli oldu - İngiltərə Kubokunda

İngiltərə Kubokunda 1/4 final mərhələsinin oyunları keçirilib.

Corner.az xəbər verir ki, sonuncu oyun günündə iki görüş baş tutub.

Sonuncu oyun günündə “Çelsi” doğma meydanda “Şeffild Yunayted”i qəbul edib və inamlı qələbə qazanaraq yarımfinala yüksəlib. Səfərdə “Lester Siti”nin qonağı olan “Mançester Yunayted” isə mübarizəni dayandırıb

Beləliklə, aprelin 17-18-də keçiriləcək yarımfinal görüşlərində “Mançester Siti” “Çelsi”ylə, “Lester Siti” isə “Sauthempton”la qarşılaşacaq.

İngiltərə Kuboku, 1/4 final

20 mart

Everton – Mançester Siti – 0:2
Qol: İ.Gündoğan, 84. De Bruyne, 90.

Bornmut – Sauthempton – 0:3
Qol: Djenepo, 37. Redmond, 45+1; 59.

21 mart

Çelsi – Şeffild Yunayted 2:0
Qol: Norvud, 24-öz qapısına. Ziyeş, 90+2.

Lester Siti – Mançester Yunayted 3:1
Qol: İheanaço, 24; 78. Tilemans, 52 – Qrinvud, 38.