Premyer Liqadan növbəti mövsümün başlama tarixi bilindi

Futbol üzrə İngiltərə Premyer Liqasında 2021/22 mövsümünün başlayacağı tarix müəyyənləşib.

Corner.az xəbər verir ki, dünyanın ən baxımlı liqalarından biri olan İngiltərə çempionatında növbəti mövsümə bu il avqustun 14-də start veriləcək.

Bu barədə Premyer Liqanın rəsmi saytı məlumat yayıb. Xəbərdə 2021/22 mövsümünə 2022-ci ilin 22 mayında keçiriləcək qarşılaşmalarla yekun vurulacağı diqqətə çatdırılıb.

Qeyd edək ki, Premyer Liqada 2020/21 mövsümünün geridə qalan 29 turunda 71 xal toplamış “Mançester Siti” hazırda zirvədə qərarlaşıb. Bu komandanı 57 və 56 xala malik “Mançester Yunayted”lə “Lester Siti” izləyir. Ötən mövsümün qalibi olan “Liverpul” isə 46 xalla 7-ci pillədə qərarlaşıb.