Tuçel PSJ-dən ayrılmasından danışdı

"Çelsi”nin baş məşqçisi Tomas Tuçel açıqlama verib.

Corner az xarici mətbuata istinadən xəbər verir ki, 47 yaşlı almaniyalı mütəxəssis, PSJ-dən ayrılması ilə bağlı danışıb:

“Çox qəribə idi. 22 dekabr idi, nəsə olacağını hiss edirdim. PSJ-nin idman direktoru Leonardo ilə danışdım və növbəti gün “Strasburq”la matçdan əvvəl daha bir xəbər aldım. Məni qovacaqlarını hiss edirdim, lakin inanmadım.

Leonardo ilə söhbətimiz heç iki dəqiqə çəkmədi. Nə onun deyəcək bir şeyi var idi, nə də mənim. Daha sonra əşyalarımı yığdım və yeni ili qeyd etmək üçün Almaniyaya qayıtdım. İşdən ayrıldığım üçün yeni il maraqsız olmuşdu. Mən ən gözəl bayram hədiyyəmi “Çelsi”dən aldım”.

Qeyd edək ki, Tuçel 2018-2020-ci illər aralığında PSJ-ni çalışdırıb.