Lester'də türk futbolçu ilə bağlı qərar verildi

İngiltərənin “Lester” klubunda Cengiz Ündərlə bağlı qərar verilib.

Corner.az xəbər verir ki, icarə əsasında Premyer Liqa klubunda çıxış edən türk futbolçu mövsümün sonunda müqavilə ilə məxsus olduğu İtaliya “Roma”sına qayıdacaq. Bu barədə “The Telegraph” nəşri məlumat yayıb.

“Lester” mövsümün əvvəlində icarə əsasında komandaya qoşulan Cengizin performansından razı qalmayıb. Komandanın məşqçilər korpusunun 23 yaşlı yarımmüdafiəçi ilə bağlı rəyi mənfi olub.

Türkiyə yığmasının üzvünün “Roma” ilə iki illik müqaviləsi var.

Qeyd edək ki, Cengiz “Lester”lə 19 oyunda 2 qol vurub, 3 məhsuldar ötürmə ilə yadda qalıb.